Pengorbanan

REEMBANG, sebagi satoe iboe kota residentie, dan seperti laen-laennja kota, poen dapet satoe roemah pendjoeal madat dengen di bawah pengoeroesannja 'ntjik Hwie-bing sebagi pachter.

Dengen banjak soesah, dengen banjak korbanken oewang boeat menjoeap, baroelah 'ntjik Hwie-bing dapet pegang itoe peroesahan.

Mamegang pacht madat memang boekan satoe pakerdja'an ringan, kerna satoe waktoe bisa digoda satengah mati oleh smokkelaar-smokkelaar tjandoe gelap. Maka satoe waktoe boeat melindoengin peroesahannja marika bisa kalap, bisa adaken roepa-roepa pelatoeran jang tida pantes, kedjem dan biadab.

Tapi kaloe tida begitoe, lantaran kalebihan cewang, terlaloe iseng atawa lantaran sebab pegang peroesahan monopolie, banjak antaranja jang loepaken sama apa jang dibilang kabedjikan.

'Ntjik Hwie-bing ada pachter dari type (matjem) di atas. Dalem tempo ampat taoen djadi pachter, boekan sedikit oewang ia telah dapet kantongin, hingga sekarang ia telah djadi satoe orang jang paling kaja dari itoe residentie.

Salaennja pegang itoe pacht, 'ntjik Hwie-bing masih temaha, ia poen ada boeka satoe toko hasil boemi. Tapi ini toko pelahan-pelahan kena disaingin oleh tokonja 'ntjik Liang-kwie hingga 'ntjik Hwie-bing poenja toko terseboet hadepin crisis boeat goeloeng tiker.

'Ntjik Hwie-bing jang darah panas djadi amat penasaran. Kamoedian kerna merasa tida mempoenjain katjerdikan boeat djatohken itoe lawanan, 'ntjik Hwie-bing laloe goenaken djalan pitenahan.

LUITENANT Tan Ting-liang ada mempoenjain ampat anak, satoe lelaki dan tiga prempoean. Yong-han adalah namanja itoe anak lelaki, anak soeloeng, dan sekarang soeda djadi satoe djedjaka jang tjakep.

Yong-han salaennja mempoenjain pengawakan badan jang tegep dan tjakep, poen ia mempoenjain katjerdikan otak, bertabeat brani dan djoedjoer, teroetama boeat oeroesan kong-ek, ia ada sanget soeka tjampoer, maka boekan djarang ia saben kali berbentrokan sama ajahnja sendiri.

Oeroesannja 'ntjik Liang-kwie ia poen ambil perhatian besar. Begitoe kapan ia soeda selidikin terang, sigra ia menghadep sama ajahnja.

„'Tia, tida bisa dipoengkir lagi oeroesannja 'ntjik Liang-kwie memang bener-bener tjoema satoe pitenahan belaka,” katanja Yong-han dan kamoedian djelasKen lebih djaoe iapoenja pendapetan-pendapetan jang aidapet dari iapoenja penjelidikan.

„Akoe poen pikir begitoe; tapi kita tida bisa berboeat apa,” saoetnja 'ntjik Ting-liang.

„Tapi dengen goenaken 'tia poenja pangkat, kau bisa membela banjak dalem ini oeroesan.”

„Kau ini masih anak-anak; kau kata dengen zonder dipikir. Apa kau tida taoe siapa Hwie-bing?”

„Ia ada satoe doerdjana; soeda sakean kali ia lakoeken perboeatan-perboeatan sawenang-wenang, maka ini kali kita moesti brentiken iapoenja segala perboeatan.”

„Hoeh, kau tjoema bisa melantoer. Kita tida poenja pengaroeh apa-apa boeat djatohken ia, kerna ia ada pengaroeh besar sama pembesar-pembesar di sini.

„Kaloe kita maoe slamet, dan kita djanganlah berlawanan padanja.”

„Kaloe kau tida djadi sebagi kepala bangsa, 'tia. Tapi kau ada satoe luitenant, satoe pangkat jang wadjibken kau moesti lindoengin kasantousa'annja bangsa Tionghoa di ini bilangan rata-rata, zonder pandeng boeloe.”

YONG-HAN masih terlaloe idjo boeat bisa tandingin 'ntjik Hwie-bing, satoe bekas tjabang atas jang oeloeng, maka dengen gampang kena didjebak dan ditangkep oleh pahlawan-pahlawannja.

Yong-han diborgol kadoea kaki dan kadoea tangannja, dimasoeken dalem satoe kamar boedjang jang terletak di pekarangan paling blakang dari gedongnja 'ntjik Hwie-bing jang loeas. Dari saking loeasnja itoe pekarangan, biarpoen Yong-han bertreak satinggi langit, tida aken ada laen koeping dari orang loear jang bisa denger, apalagi kabanjakan roemah-roemahnja orang Tionghoa di bilangan Rembang memang pada mempoenjain tanah-pekarangan jang amat loeas, sebab harga tanah di sitoe ada amat rendah kaloe dibanding sama laen-laen tempat.

„Hoho! Yong-han,” 'ntjik Hwie-bing menghampirin padanja dan kata dengen menjengir, baroe sekarang kau taoe sampe di mana akoe poenja pengaroeh. Dan bagimana sekarang kau maoe ambil sikep?”

Yong-han dengen mata menjalah dan paras moeka merah, panas sebagi barah, awasin dengen tida berkesip pada 'ntjik Hwie-bing.

„Satelah dapet ini pladjaran, kau moesti djandji tida aken tjampoer akoe poenja oeroesan, dan akoe nanti lepasken padamoe,” 'ntjik Hwie-bing kata lebih djaoe. „Maoekah kau berdjandji . . . . . . . . ?”

„Tida pada satoe setan akoe maoe berdjandji . . . . . .!” saoetnja Yong-han.

„Hahaha! Soenggoe kau gagah, anak; tapi bodo seperti kerbo,” katanja 'ntjik Hwie-bing. „Kau moesti inget, kaloe akoe tida inget sama kabaekannja kong-sie, kau poenja ajah, ini djam Yong-han soeda disembajangin dengen sam-sing.”

„Nona jang baek, siapa kau?” kata Yong-han dan kamoedian dengen sebat tjoba djambret itoe tangan jang mengangsoerken boengkoesan, tapi ternjata itoe tangan prempoean lebih sebat boeat tarik balik hingga terloepoet.

„Ada kapentingan apakah kau moesti semboeniken sedjatinja diri kau padakoe?” Yong-han kata poelah.

„Dan ada kapentingan apa kau maoe tape dirikoe?” saoetnja itoe prempoean.

„Kaloe akoe hidoep, akoe nanti oekir namamoe dalem hatikoe; kaloe akoe mati, rohkoe nanti djoendjoeng itoe nama sampe di sorga.”

Brapa tetes aer-mata laloe kliatan mengembeng di kadoea matanja itoe prempoean.

„Mana 'ntjik Hwie-bing ?” kamoedian Yong-han menanjah.

„Soeda tiga hari ia kloear, tida ada poelang; inilah memang ada iapoenja kabiasa'an,” saoetnja.

Sasa'at mana marika laloe dibikin terkedjoet oleh soeara tindakan kaki jang berat dan dengen sawat terdenger itoe tindakan seperti menjamperin di djoeroesannja. Teroetama itoe prempoean djadi amat terkedjoet dan goemeteran.

„Tjilaka . . . . . . . . . .” itoe prempoean aken berseroeh, tapi kaboeroe tangannja teken tenggorokannja, kemoedian berpaling sama Yong-han dengen sinar mata katakoetan.

Samentara Yong-han sendiri poen ikoet goegoep. Tapi kamoedian ia bisa tetepken hatinja.

S malem baroe djam 10, tapi kaada’an di sepanjang djalanan soeda sepih sekali. Begitoe-poen di gedongnja ’ntjik Hwie-bing, soeda soenji, semoea orang roepanja soeda pada tidoer katjoeal Pik-lian sendiri kliatan menjoelam di bawahnja itoe sinar lampoe di kamarnja.

Kerna di atas oedara ada dilimpoetin oleh mendoeng, itoe maleman hawa ada kliwat panas maka Pik telah pentang djendelanja.

PENGORBANAN

Pik poenja djari-djari tangan memaenan sama itoe djarom dan itoe soetra, tapi hatinja melajang-lajang dan kenang-kenangken pada apa-apa jang tjoema tinggal bajangan sadja.

„Kenapa akoe lepasken?” begitoelah ia kata dalem hati. „Sekarang ........ sekarang akoe tida bisa memandang poelah itoe iapoenja pengawakan, tida dapet denger poelah itoe iapoenja soeara-soeara ............”

Pik djadi semingkin terpkoeer dan termenoėng dan kamoedian baroe tersedar kapan itoe tangannja soeda melantoer dan toesoek djarinja sendiri.

„Hoho!” mendadak moentjoel itoe soeara tertawa dari loear itoe djendela. „Hati-hatilah, itoe djaroem nanti dari djari bisa menemboes di hati.”

Pik djadi amat kaget. Ia laloe menengok dan lantas dapet menampak di itoe djendela, menondjol dari itoe renggangan kaen tebengan, ada kliatan kepalanja Yong-han jang menondjol dengen moeloetnja sambil bersenjoem. Pik laloe djebiken bibirnja, meminta ia djangan oetjapkan soeara keras.

Marika tida lantas oetjapkan sepatah perkata’an laennja katjoeali adoe masing-masing poenja sorot mata.

Kamoedian Pik hampirin ia dan kata: „Nko, ada apa kau ka mari?”

„Akoe maoe bajar djandji ..........”

Dengen sinar mata jang tadjem Pik awasin padanja.

„Djandji, djandji apa ........?” Pik menanjah poelah.

„Akoe toch pernah djandji aken kombali poelah di sini, boeat kau borgol dan sekep kombali dalem itoe kamar?”