Kutipan Pengorbanan

Boeat loekisken atawa bajangken kombali kaada'an penghidoepan oemoem dari kita Hoakiauw, sabenernja di halaman ini ada terlaloe sempit. Maka tjoekoep kaloe saia ambil ringkesnja sadja :

Itoe pelatoeran memake pas adalah jang bikin Hoakiauw hidoep seperti ajam dalem koeroengan dan itoe politie-rol bikin marika teranggep seperti satengah manoesia.

Saia aken tjoba djambret sedikit dengen sedikit bajangan-bajangan dari penghidoepan Hoakiauw di itoe maşa, jang sekarang orang tida dapet menampak poelah lantaran perobahan djaman.

„Tapi roepanja kau loepa, 'tia ; waktoe kau adjari itoe kitab Soe-sie, akoe masih inget ada satoe oetjapan dari Bing-tjoe :

'Ka'adilan moesti ditaroh di atasnja kakwasa'an, boekan kakwasa'an jang moesti ditaroh di atas ka'adilan'.

Lagi : 'Jang koeat toeloeng jang lemah, inilah baroe diseboet ing-hiong = gaga perkasa'. Tapi bagimana kaloe oepama kita sekarang biarin 'ntjik Liang-kwie, sedeng kita taoe ia ada lemah dan diperlakoeken sawenang-wenang?”

„Anak poet-hauw!” dengen mata mendelik 'ntjik ling-liang sentak anaknja. „Di hadepannja orang toea kau brani kata begini, bagi satoe anak inilah ada klakoean doerhaka, melanggar bangsa Tionghoa poenja peradatan hauw = bakti!”

Inilah memang ada sendjatanja orang-orang toea Tionghoa boeat toendoeken soemangetnja iapoenja anak-anak.

Yong-han itoe koetika laloe tinggal diam, maskipoen padahal sabenernja ia tida bersalah, kerna ia tjoema koemandangken dan bajangken kombali itoe soemanget kaprawiran apa jang ajahnja pernah djedjelken di dalem otaknja.

’Ntjik Hwie-bing laloe dongaken kepalanja sambil kredep-kredepken matanja, lajangken pikirannja pada apa jang dibilang kasopanan dan kabedjikan. Samentara ’ntjik Ting-liang poen demikian.

Kasopanan Tionghoa jang tinggi, kabedjikan Tionghoa jang mentereng, kaloe sekarang djadi roesak adalah lantaran didjalanken oleh orang-orang dari type seperti ’ntjik Hwie-bing dan ’ntjik Ting-liang, boekan salahnja itoe anak-anak moeda.

Memang tertjiptanja kasopanan jang aseli boekan tjoema dari pikiran-pikiran hanja poen moesti dengen tjonto-tjonto, model dari orang jang diseboet bapa kapada anak-anaknja.

Kasopanan Tionghoa jang tinggi, kabedjikan Tionghoa jang mentereng, kaloe sekarang djadi roesak adalah lantaran didjalanken oleh orang-orang dari type seperti ’ntjik Hwie-bing dan ’ntjik Ting-liang, boekan salahnja itoe anak-anak moeda.

Memang tertjiptanja kasopanan jang aseli boekan tjoema dari pikiran-pikiran hanja poen moesti dengen tjonto-tjonto, model dari orang jang diseboet bapa kapada anak-anaknja.

„Hahaha!” achirnja ’ntjik Hwie-bing tertawa. „Baroelah sekarang kita berhadapan sama satoe toea bangka jang kenal diri! Ja, ja, dan abis bagaimana kau maoe atoer, kong-sie?”

SEDARI itoe harian minta verlof sampe di harian meningalnja 'ntjik Hwie-bing, Hong-hwie tida ada kliatan moentjoel poelah. Inilah boekan lantaran ia sakit, tapi memang sengadja ia tida maoe indjek poelah gedongnja 'ntjik Hwie-bing, kerna ia telah mendoesin, kenapa manoesia moesti lakoeken kadjahatan?

Apa kaloe tida saben kali pitenah, memoekoel dan memboenoeh sesamanja, orang bisa mati?

Berboelan-boelan Hong-hwie laloe toentoet penghidoepan tjara loemrahnja manoesia di Lasem dengen sentuosa, dan ini semoea ada Pik jang djadi sebab.

kaloe akoe tjoba menoeloeng ia, akoe tida taoe, tida mengerti, apakah akoe menjinta padanja atawa apakah akoe tjoema kasianin padanja. Tapi akoe inget, sama sekali akoe boekan artiken boeat djatohken ajah sen-diri, hanja akoe tjoema menoeloeng .........

Apa kadjelekannja menoeloeng? Apa kadjelekannja akoe menjinta padanja?

"

„Kau gila ! Kau edan! Pergi dari sini!"'ntjim Hwie-bing mendjerit. „Pik tida minggat, Pik anak'koe jang soetji, soeda lama ia dateng dan sekarang ia tidoer kenapa kau bilang aken dateng?"

Orang gila poen bisa maki laen orang gila, orang gendeng poen djoega bisa memaki laen orang gendeng, inilah memang kerna doenia ada roemah sakit gila besar, tempatnja orang gendeng.

Dan poen djangan heran kaloe badjingan-badjingan bisa djoega maki'in laen orang badjingan, kerna manoesia ini semoea ada badjingan-badjingan jang pande sekali topengin hatinja jang sedjati, soeka melawan sama perasa'an hatinja sendiri, dengen tjoema ada perbeda'an antara aloes dan kasar.