Pembalasan Keji

Hari moelahi fadjar. Roemah-roemah dalem kota Betawi kaliatan seperti bagoen dari tidoer. Soeara ajam kadengeran berboenji berganti-ganti di koeliling kampoeng.

Terangnja matahari, jang koetika itoe masi ada remeng-remeng, membikin samoea djalanan kaliatannja djadi indah sekali, dan kendati poen di sana-sini malaenkan ada bebrapa roemah jang soeda memboekah pintoe, traoeroeng soeda ada banjak djoega orang jang berdjalan moendar-mandir, taroetama di djalanan-djalanan jang meneroes ka pasar Pintoe-Ketjil.

Roemah dari soedagar-soedagar ketjil di sapandjangnja pasar itoe, sedari poekoel ampat soeda terboekah pintoe dan djendelanja, satoe klakoean jang biasa diseboetken orang, ada boeat menjamboet datengnja redjeki di waktoe pagi.

Di sitoe kaädahan ada laen sekali dengen di laen-laen tempat. Sadari gelap boeta orang-orang jang dagang memikoel soeda pada berbaris di sapandjang djalanan dengen memasang pelita ketjil. Antaranja ada djoega jang dari malem soeda tidoer di oedara terboekah boeat menoenggoeken datengnja waktoe pagi.

Pasar itoe boleh dibilang ada poesatnja dari penghidoepan kota Betawi. Dari sitoe samoea roemah-tangga dapetken ia poenja kaperloean sahari-hari. Dan sabagi aken saingin karamean di itoe pasar, soeatoe roemah jang pernahnja di Gang Pasar-Ajam poen sadari moelahi fadjar soeda ada dalem kaädahan jang amat ripoe. Salagi orang dari laen-laen roemah masi ada rebah dalem kasoenjian pagi, di sitoe soeda terdenger soeara trompet jang sanget berisik.

Sapotong kaen mera ada disalawirken pada pintoenja roemah itoe. Satoe medja sembajang, jang terpasang tinggi diatas ampat krosi, pedengken sasoeatoe orang boeat meliat kadalem pertengahan. Oleh kerna itoe, bebrapa orang Boemipoetra jang maoe pergi ka pasar dan merasa penasaran dengen itoe kaädahan jang loear biasa, laloe mendesak berdiri dihadepan pintoe.

Orang ambil djalanan dari Gang Lamtjeng, dan dari sitoe teroes ka Gang Togee. Emot, jang koetika itoe ada berdjalan di moeka, lantas memboeka pintoenja satoe roemah ketjil jang pernahnja di sitoe, kamoedian sigra ia masoek kadalem dan pasang lampoe-lampoe.

Njonja Koei-liat, jang katinggalan sedikit djaoe di blakang, djoega achirnja masoek ka dalem pertengahan roemah itoe dengen dandan pada Soan-nio.

„Ka mari, tjim? Roemah siapa ini?“ tanja gadis itoe jang tida mengarti soeatoe apa. „Belon taoe satoe kali saia dateng di sini.“

Njonja moeda itoe tida lantas menjaoet. Ia djatoken dirinja di satoe krosi gojang jang ada di itoe pertengahan, dan tinggal diam sampe sakean lama salakoe orang jang sangsi, Emot berdiri di dekatnja Soan-nio.

„Roemah siapa ini?“ tanja poelah gadis itoe, jang njata ada merasa samingkin heran. „Mana orang jang poenja roemah, dateng-dateng entjim boleh doedoek di sitoe?"

„Satoe orang soeda belihin ini roemah boeat loe, Soan,“ kata njonja Koei-liat dengen soeara jang tida kaloear lampias. „Sekarang ini samoea perabotan loe jang poenja. Goea si tjoema harep soepaja bisa noempang senang.“ Kamoedian dengen, hadepken pada itoe prampoean toewa jang tida brentinja menjengir, laloe ia berkata : „Bi Emot, trima ja si nona? Sekarang saia maoe poelang.“

Dengen melengak Soan-nio mendenger bitjaranja ia poenja entjim itoe. Samantara itoe njonja Koei-liat soeda lantas kaloear dari itoe roemah dan berdjalan pergi. Emot tinggal berdiri di ampirnja si gadis.

Sakean lama ia berdiri dalem gelap-goelita di bawah poehoen mangga, kamoedian laloe ia berdjalan di antara pot-pot kembang jang ada di sitoe.

Hoei-djin oesap-oesap kapalanja, samantara matanja mengintjer ka roemahnja Bong-loan, sekali poen sabenarnja ia tida dapet liat laen dari gelap-goelita. Tapi koetika itoe, dengen koenjoeng-koenjoeng koepingnja dapet denger soeara orang sasenggoekan, hingga dengen mendadak hatinja djadi tergeter dengen pengrasahan takoet.

„Siapa itoe?“ tanja ia kamoedian, samantara kakinja telah bersediah boeat berlompat masoek kalem roemah.

Soeara sasenggoekan itoe lantas brenti, kamoedian terdenger satoe soeara sember mendjawab :

„Saia, Ko Hoei-djin.“

„Bong-loan ?“

„Ja."

Hatinja Hosajin lantas djadi berdebar-debar. Sasoeda berdiam samantara lamanja laloe ia menanja lagi:

„Apa loe jang menangis ?“

Bong-loan tida mendjawab.

„Kanapa loe maen gelap-gelapan di sini?" tanja poelah Hoei-djin, seraja djalan mengamperi.

„Saia katakoetan di dalem,“

„Kanapa ?“

„Entjim pergi ka pasar malem, saia ditinggal sendirian.“

Si Tima ka mana? Kanapa loe engga maoe panggil dia boeat temanin ?“

„Dia diadjak pergi sama entjim.“

„Kliwatan amat, sampe engga poenja pikiran begitoe," kata poelah Hoei-djin. „Kanapa loe engga maoe pergi ka roemah goea ? Kan loe boleh tidoer sama si Sioe-kioe ? Kaloe entjim loe poelang, biar dia tjari kalabakan ka sana-sini.“

„Tadi pintoenja terkoentji; saia maoe pergi tengok dari loear engga bisa, sebab entjim bawa koentjinja.“

„Kanapa loe engga maoe ketok ?“

„Saia engga brani, sebab saia kira enko Hoei-djin samoeanja soeda tidoer.“

Hoei-djin mengamperi lebi dekat pada Bong-loan, pegang tangannja itoe anak prampoean, kamoedian laloe berkata poelah:

„Ajo ka roemah goea. Loe boleh tidoer sama si Sioe-kioe.“

Bong-loan tarik tangannja dengen plahan, toetoepi moekanja, kamoedian laloe menangis tersedoeh-sedoeh.

„Kanapa loe nangis lagi di sini? Hajo kita kaloear; dangsoe betoel lagi maen di atas tabang; loe tento beon taoe liat."

Jang berkata itoe ada satoe djedjaka, beroesia paling banjak anam belas tahon. Dekat padanja ada doedoek satoe anak prampoean di atas batoe, jang sedeng menepas aer mata.

Sakean lama nona itoe tinggal tida mendjawab, hingga itoe anak lelaki, jang berdiri di dampingnja, djadi berkata poelah:

„Sabetoelnja sebab apa si loe menangis di sini, Bong-loan, sedengan di loear ada begitoe rameh orang menonton?"

Anak prampoen itoe gosok lagi matanja dengen oedjoeng badjoe, kamoedian baroe menjaoeat, katanja:

„Engga apa-apa."

„Si Sioe-kioe apain sama loe?"

„Engga."

„Apa loe poenja entjim poekoel lagi?"

„Engga."

„Engga? habis kenapa loe nangis?"

Bong-loan berdiam kombali, hingga djedjaka itoe djadi lantas menanja poelah:

„Bilang sama goea: siapa si jang soeda apa-apa in sama loe?"

„Engga, ko Hoei-djin, betoel engga."

„Habis kanapa sekarang loe engga maoe nonton sama si Sioe-kioe?"

„Saia rasanja lagi engga kapingin."

„Habis kanapa loe nangis?“

Anak prampoean itoe tinggal lagi tida menjaoet. Sakali ini Hoei-djin poen berdiam sampe samantara lamanja.

Koetika itoe boelan poernama ada pentjarken sinarnja amat djerni. Bong-loan meliat dengen menang-menoeng pada bajangannja poehoen-poehoen. Dari parasnja ada njata sekali jang nona ito sedeng dihinggapi oleh soeatoe pengrasahan sedih.

Hoei-djin bertindak moendar-mandir di depannja sampe bebrapa kali, kamoedian laloe djedjaka itoe berkata lagi dengen soeara soenggoe: