Ganjaran yang Pantas

Dari satoe roemah sekola jang besar dengen mendadak berpoeloeh orang moeda, lelaki dan prempoean keloear dengen terboeroe-boeroe. Sebagian dari marika berkadara'an sepeda, sebagian lagi naek kandara'an jang tertarik oleh koeda, sebagian ketjil pake auto, tapi tida koerang djoega jang djalan kaki.

Marika itoe ada moerid-moerid dari satoe sekola tengah, jang pada itoe djam pada poelang, sesoedahnja berladjar setengah hari lamanja.

Di antara marika ada djoega terdapet bebrapa gadis, jang naek di satoe auto tertoetoep jang bagoes dan besar. Marika keliatannja tida mengenal kasoesahan, tapi meloeloe hidoep dalem kagirangan dan kasenangan. Marika tertawa dan bitjara, tempo dengen mendadak itoe auto direm keras sekali hingga ampir brenti. Di depan itoe kandara'an ada saorang lelaki moeda jang menjebrang djalanan dengen tida menengok-nengok lagi.

Dari tiga gadis jang berada dalem itoe kandara'an, doea antaranja itoe waktoe lantes djoega berkata de ngen soeara jang menjataken pengrasa'an koerang seneng; „Si Dogol, ampir ia kagiling: tida maoe kagiling sekali!" Gadis jang katiga tjoema mesem sadja. Sesoedahnja itoe orang sampe dl pinggir dengen tida perdoeliken makiannja chauffeur itoe kandara’an, itoe auto didjalanken teroes.

„Tjoba liat itoe orang desa," kata saiah satoe itoe gadis jang doedoek dalem auto, „ia kira brangkali Bandoeng ada ia poenja desa, di mana djalanan-djalanan ada begitoe sepi, hingga brangkali tjoema satoe boelan satoe kali diliwatin auto.”

„Brangkali dalem desanja ia belon pernah liat auto, maka djoega ia bisa djalan dengen seperti tinggalken ia poenja pikiran dalem kamar ketjil di mana ia biasa boeang kotoran," kata gadis jang laen, „pantes moerid-nnoerid lelaki namaken ia „Si Dogol".

Sesoedahnja berdjalan ampir satoe djam lamanja, ia sampe di depan satoe roemah bilik. Ka itoe roemah ia masoek. „Kaoe baroe poelang, Hok." kata saorang prempoean toea jang sedeng djaitin satoe badjoe jang petjah.

„Bener, iboe."

„lni hari akoe tida poenja makanan apa-apa boeat kaoe, Hok” kata itoe njonja toewa, „tadi akoe baroe bajar sewa roemah anem roepie. Akoe poenja oewang tjoema tinggal bebrapa cent sadja. Tida ada tjoekoep oewang boeat beliken kaoe ikan asin atawa saboetir telor, boeat kaoe makan."

„Tida apa, iboe, kata itoe orang moeda sambil taro ia poenja boekoe-boekoe di satoe medja ketjii jang soeda rejot, „nasi bersama garem poen ada tjoekoep enak boeat akoe. Iboe tida perloe iboek: doaken sadja soepaia ini malem akoe bisa dapet redjeki iebih besar."

„He, akoe anggep kaoe berdoea tida manis sekali," kata ia, „apakah jang sabetoelnja mendjadi alesan, hingga kaoe moesti tertawa begitoe roepa boeat itoe kedjadian? Apakah kaoe berdoea moesti merasa begi toe girang meliat Hok, jang toch ada kita poenja bangsa, dapet perlakoean begitoe roepa? Akoe anggep sama sekali tida ada alesan boeat tertawa, malah akoe moosti merasa sedih." „Sedih? Sedih boeat si Hok? Bah! Akoe aken djadi lebih girang lagi djikaloe ia tida berada lebih lama dalem kita poenja sekola. Lantaran ada dia, kita, orang-orang Tionghoa jang berladjar dalem itoe sekola, djadi dipandang rendah. Moerid-moerid Europa tida maoe tjampoer kita, kerna anggep kita semoea ada orangorang rendah seperti itoe manoesia, si Dogol"

„Hok orang rendah? Kaoe tida boleh bitjara begitoe, Gwat; betoel ia ada saorang miskin . . . . . . . . ."

„Sepatoenja soeda penoeh tembelan . . . . . . . . ."

„Kaosnja, akoe brani bertaro soeda tida menoetoepin ia poenja djari."

„Betoel,ia ada saorang miskin, miskin dalem pakaan dan pengidoepan, tapi maskipoen kita ada orang-orang hartawan, kita moesti mengakoe ada miskin sekali djikaloe dibandingkan otak kita dengen otaknja si Hok. Lagipoen kita moesti pikir, apa kita sendiri ada hartawan? Djikaloe kita poenja orang toewa tida mempoenjai harta, kita sendiri sebetoelnja tida poenja satoe apa."

Gwat Nio sedeng berkoetetan dengen penganternja sedeng Liong Nio tjoema memandang sadja sambil tertawa, seperti djoega itoe kedjadian ada loetjoe sekali, la poenja penganter poen „tida soeka toeroet tjarnpoer laen orang poenja perkara", hanja libetken ia poenja tangan di pinggangnja itoe gadis.

„Akoe tida maoe kaoe pegang padakoe," begitoe Gwat Nio berkata dengen soeara keras. „Tadi poen di waktoe dansa kaoe soeda berlakoe meliwatin wates. Akoe salah sekali maoe ikoet kaoe ka mari.”

„Masa kenapa sih?" begitoe terdengar itoe lelaki jang pegang kadoea tangannja itoe gadis berkata. „Toch lantaran akoe tjioem kaoe, kaoe poenja pipi tida nanti djadi letjet atawa koerang bagoesnja. Djikaloe kaoe tida maoe kasi dengen baek, akoe nanti paksa . . . . . . . . ."

„Liong Nio, Frits, toeloengin akoe." berseroeh Gwat Nio dengen soeara tertahan.

Seperti biasa Hok djalan poelang, tapi tempo ia sampe di satoe tikoengan ternjata bebrapa poeloeh moerid lelaki ada toenggoe padanja. Marika semoea tadinja berkandara'an fiets, tapi di itoe tempat marika soeda senderken marika poenja fiets begitoe roepa, hingga itoe kandara'an-kandara'an tida bisa djatoh, dan marika sendiri mengalang di djalanan.

Permoela Hok tida mendoega, bahoea dirinja jang dimaoeken, maka ia hendak djalan teroes dengen toendoek sadja, tapi dengen mendadak ia dipegang. Waktoe ia angkat moeka, itoe orang moeda jang telah ganggoe pada Gwat Nio jang berdiri di depannja.

Sekarang Hok mengarti, bahoea ia bakal dikrojok tapi maskipoen ia liat poeloehan orang jang berada di sitoe dan semoeanja ambil sikep jang mengantjem, sama sekali ia tida djadi keder.

la mengarti itoe orang tentoe hendak bikin peritoengan, tapi boeat lawan sendiri, itoelah ia tida brani dan soeda asoet Itoe kawan-kawan boeat asoef padanja.

„Apa kaoe maoe? Kenapa kaoe tahan akoe? tanja ia dengen adem pada itoe orang jang soeda doea kali pernah rasaken begimana besar tenaganja itoe orang moeda.

„Kaoe ini satoe badjingan, satoe orang rendah." kata itoe lelaki.

„Kaoe tentoe maoe bilang, kaoe ada satoe orang terhormat jang paling soetji dalem doenia." kata si Hok. „maka djoega sekarang kaoe koempoelken begimana banjak orang boeat lawan akoe satoe. Akoe tida doega satoe gentleman mempoenjai anggepan be gitoe matjem. Kaoe ada satoe manoesia jang rendah tapi masi ada itoe kebranian boeat kasi itoe gelaran pada laen orang."