Kutipan Ganjaran yang Pantas

Tapi iboe, akoe poenja pladjaran tida tjoekoep, akoe djadi saorang jang kepalang tanggoeng dan akoe ingin sekali mempoenjai pladjaran jang sedikit tinggi, jang akoe bisa goenaken di kamoedian hari boeat membri hari-hari jang senang dan santousa pada iboe.

Menoeroet akoe poenja pikiran, biarlah sekarang kita hidoep melarat, asal di kamoedian hari, djikaloe kaoe soeda toewa kaoe bisa hidoep dalem kasenangan jang tjoekoep.

Tapi kombali akoe bilang, iboe, apabila memang djadi kaoe poenja kainginan jang pasti, besok djoega akoe nanti lamar pakerdja'an dan lantes brenti sekola. Djikaloe iboe moefakat, biarlah kita tinggal melarat begini lagi doea tahon. Apabila akoe soeda tamat beladjar dalem H. B.

„Betoel,ia ada saorang miskin, miskin dalem pakaan dan pengidoepan, tapi maskipoen kita ada orang-orang hartawan, kita moesti mengakoe ada miskin sekali djikaloe dibandingkan otak kita dengen otaknja si Hok. Lagipoen kita moesti pikir, apa kita sendiri ada hartawan?

Djikaloe kita poenja orang toewa tida mempoenjai harta, kita sendiri sebetoelnja tida poenja satoe apa.

"

„Betoel, siapa djoega jang tida kapingin pinter?" begitoe Sien Nio mengoelang. „Dan lantaran itoe djoega, maka kaoo tida boleh njataken bentji atawa merasa tida senang, djikaloe satoe orang miskin ingin djoega tjari kapinteran dan sekola sama-sama kita.

Pladjaran dan kapinteran boekan meloeloe diadaken boeat anak-anaknja orang hartawan.

"

Dalem waktoe begitoe mendadak itoe gadis bisa djadi sanget pendiam, hingga sesoeatoe orang jang perhatiken betoel padanja, nistjaja aken mendjadi sanget heran.

Pengrasa'an jang haloes memang gampang sekali tergerak, baek lantaran meliat satoe kedjadian, atawa lantaran datengnja pikiran jang mendadak, seperti djoega pekakas jang haloes lantes tjatet sesoeatoe perobahan jang membikin ia bekerdja, maskipoen tjoema hanja napasnja manoesia, atawa datengnja toefan jang heibat.

Begitoelah sedeng orang jang menerima pertoeloengan sama sekali tida hargaken pertoeloengan itoe, adalah Sien Nio jang sabetoelnja tida mempoenjai perhoeboengan dengen itoe kedjadian, sebaliknja saben-saben inget itoe kedjadian, dan djikaloe soeda terdjadi begitoe, ia djadi ingin taoe, tjara begimana si Hok atoer pengidoepannja, dalem keada'an …

!a toch aken taoe diri, ia aken tinggalken djadi satoe penggawe di waktoe berhadepan dengen Sien Nio. Tapi ia poenja maksoed-maksoed tida dimengarti. Ia dilepas! „Djikaloe tida maoe pertjaja, toch akoe moesti pertjaja djoega pada adanja nasib." begitoe ia berkata sambil mengeiah napas. „

Djikaloe orang poenja peroentoengan belon terboeka, ada sadja djalannja boeat balik lagi dalem kamelaratan.

Tapi akoe tida nanti poetoes harepan."

Djikaloe kebetoelan itoe gadis dateng, selamanja Hok oendoerken diri, hingga njonja Tiong Bie poen achirnja dapet anggepan baek sekali tentang dirinja itoe orang moeda. Lebih djaoeh itoe njonja hartawan poen telah mendapet pemandangan laan tentang itoe iboe dan anak.

Marika ada miskin, itoelah sesoeatoe orang taoe betoel, tapi dalem marika poenja kamiskinan marika memegang deradjat tinggi.

Tingkah lakoe jang sopan santoen, sikep jang pendiam dan kakerasan hati jang bisa diboeat kagoem dari Hok, membikin entjim Tiong Bie djadi merasa sanget soeka pada itoe orang moeda. Satoe doea kali pada Hok ditawarken pakerdja'an oleh Tiong Bie, tapi itoe djedjaka menolak.

Begitoelah adanja pikiran dari saorang toewa jang berpikiran loeas.

Satoe iboe jang menjinta pada poetranja dengen sagenap hati, seperti iboenja Hok, bisa meliat dan menimbang kamaoean dan kepentingannja itoe anak sendiri.

Waktoe Hok belon dapet pakerdja'an jang pantes, hingga ia moesti hidoep dalem kamelaratan besar, toch ia tida djadi ketjil hati, hanja toeroetin kainginannja itoe poetra, kerna itoe kainginan boekan boeat perkara jang tida senoenoeh, tapi ternjata membawa ka kemadjoean.

„Ja, djikaioe begitoe, memang tida gampang boeat dapet mengatahoei; lagipoen ada laen-laen hal lagi jang bisa menghalangin kaoe poenja maksoed. Pertama kita ada orang-orang miskin, sedeng Sien Nio ada poetrinja saorang hartawan.

Pribahasa kata: masa kakap maoe deketin tjetjere?

Sien Nio moesti dianggep satoe kakap, dan kaoe satoe tjetjere."

„Memang djoega itoe semoea tida bisa didapat dalem sekola, iboe, dan seperti kaoe taoe, akoe djarang batja boekoe-boekoe laen dari pada jang berhoeboeng dengan akoe poanja pladjaran.

Tapi kaloe bener apa jang baroesan ada dibilang, orang hartawan djadi lebih hartawan dan orang jang miskin djadi tinggal miskin.

"

Roepa-roepanja itoe doea gadis poenja pengrasa'an bentji pada si Hok masi tetep ada.

Memang banjak orang djikaloe berboeat satoe kesalahan, sering kali maoe salahken laen orang, tida maoe tjari taoe, apa brangkali diri sendiri ada lebih bersalah.

Begitoelah djoega dengen Gwat Nio.