Soen Bang Yan Gie

Sekeanlah ada sedikit penoetoeran ringkes sebagi permoelaän-kata dari ini tjerita jang ternjata ada kedjadian di djeman Tong Tjioe Liat Kok.

Sebermoela ditjeritaken radja Jan Ong dari negri Jan Kok, ada mempoenjai poetri jang bernama Jan Tan Kiong Tjoe dan telah dipersoeamiken pada Soen Tjho. Ini Hoe Majalah poetra dari Soen Boe, seorang panglima besar jang amat dimaloeïn oleh segala fihak, maka seperti ajahnja, Soen Tjho sendiri poen sedari ketjil traloepoet ada dipladjarin berbagi - bagi kebiasaän jang berhoeboeng dengen ilmoe peprangan, hingga boleh djoega dipandeng sebagi satoe panglima jang gaga - perkasa, gapa maen sendjata, maopoen ilmoe memana. Blakangan, Hoe Ma Soen Tjho ternjata ada mempoenjai tiga orang poetra, jang besar bernama Soen Liong, jang kadoea Soen Houw dan jang katiga adalah Soen Pin.

Pada waktoe Jan Tan Kiong Tjoe lagi mengandoen Soen Pin, boekan djarang ia dapetken impian bahoea mega mera senantiasa melindoengin sekiter astananja. Kaloe Soen Pin soeda dilahirken, kenjataän itoe anak ada beroman amat tjakep, alis-matanja bening dan matanja bagoes, sedeng iapoenja otak amat tadjem dan ketjerdikannja ada begitoe loear biasa.

Lantaran apa, Soen Tjho atjapkali perna membilang pada Jan Tan Kiong Tjoe, katanja:

„Ini anak kapan soeda besar, tiada bisa salah lagi pasti dia bkaal berkoeasa atas milioenan djiwa, maka haroes dipandeng seaken-aken satoe moestika jang paling berharga bagi koelawarga kita.“

Heng Tiang ampoenja nama jang moelia, serta berasal dari negri mana ?," tanja Bang Koan.

„Ajahkoe jalah ada Jan Ong ampoenja Hoe Ma bernama Soen Tjho," saoetnja orang jang ditanja, „dan akoe adalah anak jang katiga bernama Soen Pin."

„Oh," kata Bang Koan seraja membri hormat poela, maafkenlah kaloedrakoe baroesan soeda berlakoe koerang hormat dan apakah akoe boleh menanja lagi, ka -31-

mana Heng Tiang sekarang hendak pergi?"

,,Lagi menoedjoe ka Hoen Bong San, goa Tjoei Liam Tong, di tempatnja Kwi Kok Sianseng, bermaksoed hendak pladjarin ilmoe kebisaan," demikian djawab poela itoe orang jang memang boekan laen dari Soen Pin, sebaliknja Heng Tiang ini ampoenja nama jang termoelia dan tinggal di negri mana?"

„Namakoe Bang Koan, berasal dari negri Gwi," djawabnja, „djoega bermaksoed men-tjari kepandean ka goenoeng Hoen Bong San kapada Kwi Kok Sianseng."

-,,Kaloe begitoe, baek sekali. Doea orang dari tempat berlaenan, tapi sama mempoе-njai seroepa toedjoean, laginja tiada kira bisa bertemoe di tenga djalan, sesoenggoe-nja haroes dibilang ada soeatoe djodo jang amat langkal Kaloe sadja Heng Tiang tiada boeat tjelahan, baeklah kita berdoea toe-teep ini pertemoean dengen satoe peng-angkatan soedara, agar soepaja bisa men-djadi lebi rapet dan lebi kekel kitapoenja pergaoelan."

Demikian kedoea moerid ini lantas boeroe-boeroe menjediaken bebrapa matjem be-boeahan dewa, berikoet arak dewa, langsoeng bawa toeroen ka bawah goenoeng, dateng sampe ka deketnja itoe batoe Ban To Lo Tjiok. Di mana iaorang mengatoer rapi sang arak dan beboeahan atas batoe terseboet, tetapi baroe sadja teratoer beres, sekoe-njoeng-koenjoeng keliatan mendatengin sa-ekor mendjangan poeti, jang berdjalan pe-lahan-pelahan ka djoeroesan marika.

Meliat sang mendjangan poeti ada beroepa loear biasa, djarang tertampak, oleh kerna sekoedjoer badannja bertjahaja bening me-lebihi mega poeti, boeloe koelitnja begitoe bersi sama seperti emboen moesim Tjhioe. Dia dateng teroes sampe di pinggiran batoe terseboet, lantas tinggal diam zonder ber-gerak poela.

Soen Pin laloe toeangin setjawan arak penoe dan letakin di atas batoe, sang men-djangan poen sigra pentangken moeloetnja dan minoem kering itoe setjawan arak, be-gitoe beroentoen ditoeangin sampe doea tjawan poela, semoeanja djoega telah dibikin kering olehnja.

,,Ach Toakol" menjomel Bang Koan jang seselin Soen Pin, mendjangan poeti toch -66-

ada saekor binatang jang tiada bergoena. me-ngapa moesti disoegoeken arak sampe be-roentoen-roentoen?"

Kaoe kliroe, Hian Te l' membilang Soen Pin, meliat roepanja ini mendjangan ada sedemikian, berbeda amat dengen laen-laen-nja jang biasa tertampak, entah brangkali ada piaraannja salah satoe dewa."

„Itoelah moestaıl sekali!" membanta Bang Koan...mari akoe boence mati padanja, ke-moedian toch boleh digoenaken sebagi ba-rang hidangan oentoek temennja arak."

tjilaka."

Soen Pin oetjapken trima kasi dengen se-gala hormat boeat itoe pengoendjoekan, se-deng Kwi Kok tiada lama kemoedian kom-bali membilang katanja:

„Moeridkoe, di blakang goenoeng ada ter-dapet satoe poehoen Tho, jalah berasal ta-neman dewa dari doenia laoetan. Saben se-poeloe taon baroe berkembang satoe kali, dari mana keloear boeah 49 bidji, jang ka-pan sesoedanja liwat 49 hari, baroe boeah-nja mateng; kaloe dimakan bakal bisa hin-darken penjakit dan pandjangin oemoer. Kemaren akoe poelang dari petik obat, me-nampak di atas poehoen soeda moentjoel itoe 49 boeah Tho, koeatir ditjoeri orang jang bisa meroesakin barang moestika go-longan dewa, maka biarlah kaoe lantas pergi mendjaga ati-ati di sana."

Koetika soeda menerima ini prenta, Soen Pin poen lantas membawa seboeah toja pendek dateng ka itoe goenoeng blakang. begitoe sampe lebi doeloe ia mengitoeng satoe-persatoe adanja itoe beeah Sian Tho, kenjataan melaenken ada ampatpoeloedela-pan bidji, dalem hatinja djadi berpikir dan berkata seorang diri:

,,Seterangnja Soe Hoe ada bilang semoea -144-

berdjoemblah 49 bidji, apa sebab sekarang di atas poehoen melaenken terdapet 48 bi-dji, tidakah boleh djadi lebi siang soeda di-tjoeri orang? Aken tetapi, sebelon menda-pet boekti jang bener, akoe toch tiada haroes kesoesoe mengasi taoe pada goeroe."

Adapoen pada itoe malem, waktoe ampir mendeketin djam tiga, selagi keadaan di sekiternja begitoe soenji senjap, seantero Pie Tian Wan seolah-olah berada dalem kematian, Soen Pin memili tempat jang men-tul sendirian. laloe moelat menggoenaken itoe Thian Kak Leng Boen berikoet Tee Kak Leng Boen, dengen di tangan menge-pelin sang djampean, sedeng moeloetnja berkemak-kemik boeat sesaat lamanja, baroe kemoedian ia melepasken tangannja dan me-ngeboetin tiga kali beroentoen - roentoen mengadep ka arah langit, berbareng ia de-ngerken satoe kali soeara sentakan: Hajo, mari dateng sekaliannja "

Maka sekoetika itoe djoega, tiba-tiba di djoeroesan Timoer - selatan ada kedengeran satoe soeara njaring, jang berbareng itoe -265-

tertampak telah bergloendoengan toeroen seboetir roda mera, kira-kira sebesar koelak. Samentara di djoeroesan Barat-selatan djoega kedengeran satoe soeara njaring, berbareng poen ada bergloendoengan toeroen satoe roda, poeti sebesar koelak.

Kedoea-doeanja itoe telah disimpen oleh Soen Pin di antara lapoenja lengen tangan badjoe jang besar.

Itoe doea boetir roda, sebenernja adalah boekan laen dari pada Matahari dan rem-boelan, jang sekarang soeda tersimpen baek oleh Soen Pin.