Kutipan Tao Teh King

Tao jang bisa dibitjaraken dengen perkataän boekan ada Tao sedjati jang bersifat kekel.

Nama dari saroepa sifat jang orang bisa seboet, boekan mengoendjoek sifat jang betoel dan kekel.

Maka orang-orang jang soedah terbebas dari iketan doenia toedjoeken perhatiannja pada resia dari itoe Kakosongan, sedeng orang-orang jang masih teriket pada doenia tjoemah meliat koelit loearnja sadja.

Itoe Kosong dan Ada, tjoemah berbeda dalem nama sadja, sedeng atsalnja satoe roepa.

Ini persama'an atas apa jang kaliatan bertentangan, akoe namain satoe resia, ― resia jang sanget dalem sekalih, pintoenja boeat mengenal karohanian, jang membikin bingoeng dan kesima.

Langit dan Boemi doea-doea berada lama sekalih. Sebabnja kenapa bisa terdjadi demikian jaitoelah lantaran Langit dan Boemi tida pikirin soeal pandjang atawa pendek oemoer. Dengen begitoe marika terpelihara dalem tempo jang sanget lama.

Orang boediman, jang tida pikirin dirinja sendiri, ada teritoeng jang paling besar dari sekalian manoesia, dan maskipoen tida perhatiken kapentingan bagi dirinja tida oeroeng ia tinggal terlindoeng.

Dengen sikepnja jang paling tida-kouwkati, ia poen mendjadi saorang jang paling slamet dari semoea.

Kabedjikan jang paling besar sifatnja seperti aer jang sanget berfaedah boeat hidoepnja segala benda dan ia tida perna bergoelet.

Aer selaloe mentjari tempat jang paling rendah sendiri, maka ia ada mirip seperti Tao.

Aer selaloe bisa tjotjokin diri pada iapoenja tempat, hingga ka'ada'annja seperti kabedjikan dari manoesia jang pengartiannja dalem, seperti kabedjikannja omongan jang djoedjoer, pamerentahan jang beres, pegawe jang pande dan pakerdja'an jang dilakoeken dalem temponja jang betoel.

Aer selaloe bisa tjotjokin diri pada iapoenja tempat, hingga ka'ada'annja seperti kabedjikan dari manoesia jang pengartiannja dalem, seperti kabedjikannja omongan jang djoedjoer, pamerentahan jang beres, pegawe jang pande dan pakerdja'an jang dilakoeken dalem temponja jang betoel.

Sebab ia tida perna bergoelet maka tida ada jang moesoehin.

Dalem soeal kabatinan memang aer sring didjadiken peroepama'an boeat loekisken ilmoe jang tinggi, lantaran boekan sadja amat besar kafaedahannja tapi djoega dari sifatnja jang tida soeka membantah, hanja pilih sadja tempat jang paling rendah, satoe sifat soeka mengalah jang kabanjakan manoesia tida mempoenjai.

Siapa tjoba dapetken lebih dari apa jang ia sanggoep pegang ada lebih baek djikaloe tida poenja apa-apa sama sekalih.

Barang keras jang tida brentinja dipake dan digosok bisa djadi bedjat.

Kakaja'an dan kamoelja'an, kapan didjadiken kabangga'an, moesti mendatengken djoega kasoekeran.

Brenti atawa oendeerken diri kapan pakerdja'an jang berfaedah soedah dilakoeken dan kahormatan dateng memboeroe, itoelah ada tjara dari Thian.

Mengenal wates ada satoe dari kabedjikan-kabedjikan jang paling besar dari priboedi manoesia.

Kafaedahannja tanah jang didjadiken boejoeng, ada bergantoeng pada itoe bagian jang kosong di sablah dalemnja.

Pintoe dan djendela djadi bergoena sebab disitoe ada terdapet lobang boeat kaloear dan masoek apa-apa.

Kagoena'annja satoe roemah ada dari lantaran kaloeasan pada iapoenja bagian-bagian jang kosong.

Pintoe dan djendela djadi bergoena sebab disitoe ada terdapet lobang boeat kaloear dan masoek apa-apa.

Kagoena'annja satoe roemah ada dari lantaran kaloeasan pada iapoenja bagian-bagian jang kosong.

Maka itoe maskipoen boleh djadi kahidoepan (atawa perwoedjoetan) ada mengandoeng kabaekan, tapi tjoemah adanja itoe kakosongan di dalemnja jang membikin ia djadi bergoena.

Marika bersifat samar dan gelap, seperti aer jang boetek.

Siapatah jang sanggoep beningken aer jang boetek? Tapi djikaloe ditinggal diam, lambat-laoen itoe aer mendjadi bening sendirinja.

Siapatah sanggoep tjiptaken katentreman sampoerna?

Kapan temponja blori sampe, atoeran atawa peladjaran jang bagimana baek, bener dan sampoerna, tida nanti bisa didjalanken lantaran manoesia tida bargain dan blon ada tjoekoep orang-orang pande boeat menjokong aken bikin itoe angen-angen berwoedjoet. Inilah djoestroe ada sifat dari natuur.

Tida ada poehoen bisa berkembang atawa berboeah kapan blon moesimnja.

(Ajat 10).

Dalem djeman pertama, jang paling koeno sekalih, manoesia tida taoe jang marika ada poenja kepala-kepala jang pegang prentah.

Dalem djeman jang kadoea marika hargain dan poedji pada orang-orang jang djadi kepala pamerentah.

Kapan itoe Tao jang besar soedah tida digoenaken, orang lantes kamoekaken pri kamoerahan hati dan pegang kawadjiban bener pada tetangganja.

Kapan priboedi dan katjerdikan dihormati orang, doenia lantes penoeh dengen kalakoean palsoe dan poera-poera.

Kapan tali persanakan soedah terpoetoes di sana-sini, baroelah soeal kabaktian dan katjintaän antara anak dan orang toeanja moelai moentjoel.

Kapan satoe negri soedah mendjadi kaloet, timboel hoeroe-hara dan pembrontakan, baroelah berbangkit orang-orang jang seboet dirinja patriot (penjinta negri).

Dari boenjinja fatsal di atas orang bisa mendoega, di taon kapan Tao Teh King telah ditoelis, sebab disitoe Lao Tze ada bitjaraken apa jang ia soedah perna roendingin bersama Khong Tjoe.

Akoe berada sendirian di dalem kadoesoenan ; akoe tida mempoenjai kainginan jang besar, tida dapetken kamadjoean, hanja tinggal sabagi satoe anak ketjil.

Akoe ini hanja satoe toekang bergelandangan, saorang jang kesasar, satoe anak jang tida mempoenjai tempat tinggal, hingga tida taoe dimana moesti rebahken kepalanja.

Laen laen orang ada poenjaken banjak segala apa, tjoemah akoe sendiri jang telah kailangan semoea.

Akoe ini hanja satoe toekang bergelandangan, saorang jang kesasar, satoe anak jang tida mempoenjai tempat tinggal, hingga tida taoe dimana moesti rebahken kepalanja.

Laen laen orang ada poenjaken banjak segala apa, tjoemah akoe sendiri jang telah kailangan semoea.

Laen-laen orang mentèrèng dengen kagoemilangan dari kapandeannja, tjoemah akoe sendiri sadja jang tinggal soerem.

Laen-laen orang semoea pinter memereksa dan mentjari taoe ; tjoemah akoe sendiri sadja

Akoe bergontjang seperti laoetan, jang bergerak teroes dengen belon perna mengaso.

Semoea orang bisa Iakoeken ini dan itoe jang berfaedah; hanja akoe saorang diri jang tida bekerdja dan tida mempoenjai djasa.

Siapa lelah aken dikasih tenaga baroe,

Siapa jang merendahken diri aken diagoengken.

Siapa mengägoengken diri aken direndahken.

Siapa jang merendahken diri aken diagoengken.

Siapa mengägoengken diri aken direndahken.

Maka orang boediman memelok keras pada kasaderhanaän dan mendjadi toeladan bagi semoea manoesia.

Berlakoelah biar saderhana dalem omongan, dan segala apa nanti djadi betoel dengen sendirinja.

Satoe angin riboet tida bisa lebih lama dari sapagian, dan oedjan lebet tida bisa lebih lama dari saharian.

Siapatah mempoenjai kakwasaän aken tjiptaken ini semoea, katjoeali Langit dan Boemi?

Saorang jang berdjingke tida bisa berdiri tetep.

Siapa pentang lebar atawa djègangin kadoea kakinja tida bisa berdjalan.

Berat ada poko dasarnja enteng, diam ada poko dasarnja gerakan.

Maka saorang Radja Boediman dalem pakerdjaännja sahari-hari belon perna meninggalken sikep soenggoeh-soenggoeh dan katentreman

Saorang jang pande berdjalan tida meninggalken bakas atawa mengeboelken deboe.

Seorang jang pande bitjara tida menimboelken perbantahan

Sendjata, biarpoen bagimana indah matjemnja. boekan ada soember dari kaberoentoengan, hanja ditakoetin oleh semoea orang.

Maka saorang jang memegang Tao tida maoe deket pada alat sendjata.

Bergirang perang itoelah boeat kamenangan di medan berarti merasa girang memboenoeh sesama manoesia.

Siapa bergirang pada penoempahan darah sesama manoesia ialah tida tjotjok boeat memerentah negri.

Kapan ka'ada'an negri di dalem mamoer, bagian sabelah kiri ada lebih disoekain ; tetapi kapan ka'ada'an bersifat djelek, bagian kanan lebih dihargaken.

Siapa bisa kenal laen orang ialah haroes dibilang pande, tapi jang bisa mengenal dirinja sendiri ialah ada satoe boediman.

Siapa bisa taloekin laen orang boleh dibilang koeat, tapi jang bisa taloekin dirinja sendiri ialah ada berkwasa besar.

Siapa bisa taloekin laen orang boleh dibilang koeat, tapi jang bisa taloekin dirinja sendiri ialah ada berkwasa besar.

Saorang jang hartawan jaitoelah jang bisa merasa tjoekoep.

Saorang jang berkamaoean tetep dan bertoedjoean tentoe pastilah bisa bertindak tjepet.

Siapa tinggal tetep dalem kadoedoekan jang pantes boeat ia tempatin, selamanja tinggal santosa.

Siapa jang mati tetapi tida moesna ialah jang sasoenggoenja beroemoer pandjang.

Disini kembali Lao Tze menoelis oedjar oedjar jang, maskipoen pendek dan ringkes, ada menggenggem peladjaran begitoe tinggi dan loeas hingga bisa dipake bahan boeat orang menoelis satoe boekoe tebel.

Siapa merasa poeas tida bisa kena tanggoeng kahina'an.

Siapa taoe dimana haroes brenti tida nanti hadepken bahaja.

Inilah ada orang-orang jang bisa hidoep kekel.

Kapan Tao tida berpengaroeh di doenia, koeda-koeda-peperangan dipelihara dalem lapangan tempat mengangon cheiwan.

Tida ada kadosa'an jang lebih besar dari pada menoeroetin kainginan temaha.

Tida ada jang lebih menjakitken dari-pada tida merasa poeas.

Tida ada kadosa'an jang lebih besar dari pada menoeroetin kainginan temaha.

Tida ada jang lebih menjakitken dari-pada tida merasa poeas.

Tida ada kaboesoekan jang lebih mendjemoeken dari-pada serakah pada kaoenioengan.

Tida ada kaboesoekan jang lebih mendjemoeken dari-pada serakah pada kaoenioengan.

Maka kapoeasan dari merasa tjoekoep ada djadi satoe kasenangan jang kekel.

Dalem ini fatsal Lao Tze goenaken koeda sabagi symbool dari katentreman dan kakaloetan di doenia. Kapan itoe koeda-koeda digoenaken dalem pertanian, itoelah tandanja Tao sedeng dioetamaken, hingga doenia mendjadi mamoer.

Sabaiiknja, itoe orang „keijil" jang kainginannja saderhana dan hidoepnja poen serba gampang dan moerah, serta tida kandoeng angen-angen jang moeleek, tida banjak soeal jang bisa mengganggoe kasenangannja, atawa djikaloe ada, tida soesah disingkirken. (Ajat). 3-6).

Satoe orang bisa kenal doenia zonder meninggalken iapoenja roemah.

Dari djendelanja ia bisa liat kabesarannja Tao.

Dari djendelanja ia bisa liat kabesarannja Tao.

Semingkin djaoe orang berdjalan, semingkin sedikit iapoenja pengataoean.

Maka saorang boediman bisa taoe zonder djalan mengider, kenalin benda-benda zonder meliat, dan lakoeken segala apa zonder bekerdja.

Ia tjotjokin dirinja dengen pikiran dari laen-laen orang.

Pada perboeatan jang baek akoe nanti membales baek; pada perboeatan jang tida baek poen akoe nanti membales baek djoega.

Jang dinamaken pri kabedjikan jaitoelah kabaekan.

Orang jang mengenal Tao tida membitjaraken itoe, dan marika jang banjak mengotje tandanja tida mengarti.

Mendjaga soepaja bibir tinggal rapet, toetoep itoe pintoe dari pengliatan dan pendengeran, membikin rata dan litjin itoe segala podjokan jang tadjem menondjol, soeremken itoe sinar jang terlaloe mentjorong, dan mendjadi sama-rata dengen itoe deboe dari boemi, — inilah ada kabedjikan jang bersifat resia.

Djikaloe iloe pamerentah ada kedjem dan memeres, rahajat mendjadi terlindes dan bersangsara.

Kasangsara'an hanja ada sabagi bajangan dari kaberoentoengan.

Kaberoentoengan hanja ada sabagi mantel dari kasangsara'an.

Kasangsara'an hanja ada sabagi bajangan dari kaberoentoengan.

Kaberoentoengan hanja ada sabagi mantel dari kasangsara'an.

Kapankah ini ka'ada'an aken berächir?

Pamerentahan atas saboeah negri besar haroes dilakoeken sabagi memasak saekor ikan ketjil, traoesah moesti bekerdja banjak.

Djikaloe itoe negri besar diperentah menoeroet Tao, roh dari orang-orang jang soedah mati tida nanti kasih liat perboeatan jang adjaib aken mengganggoe manoesia.

Atoerlah segala apa sabelonnja moelaitimboel kakaloetan.

Poehoen jang sabesar pelokan manoesia soedah toemboe dari semi jang paling ketjil.

Menara jang tingginja sembilan tingkat soedah moentjoel dari sedikit toempoekan tanah.

Menara jang tingginja sembilan tingkat soedah moentjoel dari sedikit toempoekan tanah.

Perdjlanan jang sariboe pai djaoenja dimoelai dengen satoe tindak.

Siapa mengatoer apa-apa, aken djadi toekang meroesak.

Siapa memegang, ia aken kailangan.

Orang Boediman tida bekerdja aken mengatoer, maka ia tida meroesakin apa-apa.

Ia tida memegang, maka ia tida perna kailangan.

Ini tiga menjegah padakoe aken pernahken diri di depan dari laen-laen orang.

Dengen sikep lemah-lemboet akoe bisa oendjoek kagagahan.

Dengen kahimatan akoe bisa berlakoe lojar.

Panglima jang gagah tida bersikep galak.

Toekang bekalahi jang pande tida brangasan.

Inilah jang dinamain koempoel berbaris zonder itoe barisan madjoe ka moeka; sedia sendjata zonder dipake aken bekalahi; pegang kepala pedang zonder ditjaboet dari saroengnja; menghampiri moesoeh zonder lakoeken pertempoeran.

Tida ada satoe perboeatan jang begitoe tjilaka seperti memaloemken perang dengen hati enteng.

Sebab dengen berboeat begitoe kita terantjem aken kailangan apa jang paling berharga.

Jang kenal padakoe ada sedikit sadja, dan oleh marika akoe dihargain.

Sebab saorang boediman itoe dari sabelah loear kaliatannja miskin, tetapi ia ada kandoeng iapoenja batoe permata di dalem dadanja.

Berbeda dengen anggepan oemoem jang bilang Lao Tze poenja peladjaran ada samar dan soeker dimengarti, itoe Goeroe Toea sendiri beberapa kalih memastiken bahoea apa jang ia oetjapken sabenernja amat gampang difahamken dan didjalanken dalem practijk.

Mengataoei diri sendiri poenja kabodoan itoelah ada bagian jang paling berharga dari pengataoean.

Tinggal bodo dari itoe matjem pengataoean ada satoe penjakit.

Dan djikaloe marika selaloe diadjarin soepaja takoet sama mati, dan akoe bisa bekoek samoea pendjahat besar dan boenoe-boenoein pada marika, apakah akoe berani lakoeken itoe ?

Selamanja ada tersedia Algodjo Besar!

Barang siapa mereboet itoe pakerdja'an algodjo ada sama djoega saorang jang baroe beladjar maoe tjoba lakoeken pakerdja'annja bas toekang kajoe.

Manoesia pada koetika baroe terlahir ada lemah-lemboet dan lembèk, tetapi koetika mati ia djadi kakoe dan koeat.

Ini ka'ada'an tinggal saroepa dengen segala apa.