Kutipan O Eng Tjaij, Kau Keliru

Ah, kasian pada anak-anak njang moengil itoe, di atas pipi siapa tida nanti bakal djato itoe tjioeman njang soeda-soeda dari seorang njang kandoeng padanja sedari ketjil.

Di loear, di mana lapang-lapangan mengaso kambing-kambing dengen iboenja, di poehoen-poehoen, poeles anak-anak boeroeng di bawa sajap iboenja, tetapi kedoea soedara itoe, ah kesian soenggoe, poeles di loear taoe iboenja, zonder di slimoetken oleh itoe tangan njang plahan sekali menoetoepin dirinja.

Di hari besoknja ENG TJAIJ bangoen laat sekali. HOK OEN keliatan soeda rapi sekali sedengan GOAN OEN lagi di toekarin badjoe oleh si ISAH, boedjang mana soeda di pesen njang madjikannja hendak adjak djalan-djalan kedoea poetranja.

„Tentoe sadja kaga bisa, kerna orang moesti mendjerit soepaia si toeli itoe bisa denger.

Mana si boleh di bilang resia kaloe orang sekampoeng mendjadi taoe.

Tjoba pikir sadja kaloe akoe moesti mendjerit: A HIE, akoe maoe persen papa dom ― astaga!“ mengata HOK OEN dengen kaget, „wah papa taoe dah; apatah tida begitoe pa?“

HOK OEN bergirang sekali atas itoe kasihan en membilang banjak-banjak trima kasi.

Tetapi apa njang ada lebi berharga dari itoe semoea ada lah ia poenja hati sendiri di mana ada berdjangkit itoe kemoerahan dan dermawan.

HOK OEN samperin papanja boeat banggaken hartanja en balik kombali dengen sengal-sengalan. Tjoba liat", berkata ia pada tetamoe njang satoenja. „Itoe entjek kasi akoe satoe pitjis; sekarang akoe ampir bisa bli dah itoe katja koeping; tjepet ja, tadinja akoe rasa boelanan baroe bisa ke-beli."

Di dalem keadahan begitoelah sekarang HOK OEN sedeng berada. Di sebla sini ada itoe gang, di mana ia blon lama bertjanda sama adenja. Kenapa tah pembawanja gang itoe ada laen sekali?

Itoe rasa kesepian di dalem hatinja ada begitoe sanget, sampe apa sadja, kliatannja mendjengkelken.

Belon perna ia kesepian begini, zonder soeatoe pengiboeran sekali. Tida satoe soeara terdenger, tida seroepa barang berdjiwa terliat; hari malem moelain mengambil gilirannja en serem sekali keadahannja di pertengahan.

„Ja anakkoe, djoesta njang boekan-boekan!”

Tetapi O! brapatah sering sebetoelnja kebeneran dan njang boekan-boekan mendjadi satoe di ini doenia njang fana.

HOK OEN tidoernja sekedjep poeles en sebentar-bentar merinti. Besokannja, adalah adenja njang ia permoela minta ketemoein en kemoedian menanja kapan itoe toean-toean njang bakal bikin ia lekas baek, aken dateng.

Ngatjonja sekarang ilang, tetapi takoetnja bertamba kras en inget-ingetannja timboel lagi.

Tetapi pengarepan — ah, seperti djaroem di atas aer sadja.

Boekan! ah saja kliroe! itoe brengkali tida boleh mendjadi.

ENG TJAIJ kliatannja seperti orang kalap, setelah hatinja tida brentinja mengata: „Ai, akoe soengene tida abis mengarti.”

Memang anak-anak di berkatken oleh Allah soepaia hatinja djangan terlaloe memikir sadja en melengken inget kesenangan atawa kedjengkelan sekedar hal itoe ada di hadepannja.

Ia pertjaia en anggep semoea ada bener apa njang orang tjeritahken padanja, zonder menimbang terlebi doeloe atawa meminta boektinja. Ia pertjaia orang toeanja dengen seteroesnja — en kenapatah djoega ia tida boleh pertjaia? Orang toea itoe toch berboeat baek boeat merika.