Kutipan Janie

„Ja, Min, sebab dalem tempo toedjoe djam sadja ini roemah telah bisa berobah begini matjem,” saoetnja Janta dengen soeara pelan. „

Toedjoe djam jang laloe, ini roemah ada sebagi satoe astana mas jang bergoemilang sinarken tjahja mas. Tapi toedjoe djam kemoedian roemah telah djadi koeboeran.

”

Dengen tida menoleh pada Janta, Janie djawil poendaknja sang kawan dan kat: „Janta, liatlah, itoe goenoeng ada sebagi satoe pasangan jang tida pernah berpisah. Marika itoe soenggoe meroepaken satoe pemandengan jang indah.

Tjoema sajang goenoeng Sindoro tertampak lagi bersedih, kerna di brapa bagian dialingin mega.

”

Kapan thabib jang merawat memereksa keadadan iboenja ditanjak oleh Janie, ia tjoema mendjawab: „

Manoesia poenja bisa, tapi Allah poenja kwasa.

Akoe aken berdaja boeat bikin semboeh sakitnja kaoe poenja iboe.”

„Kaoe telah dapet batja isi hatikoe, mas,” katanja. „Sabener-benernja akoe haroes marah, haroes bentji kepada Janta, kerna ia soeda tida ada harga boeat akoe pikirin lebih djaoe.

Tapi dengen tjara bagimana akoe bisa membentji ia dan bisa marah kepadanja, kerna akoe tida poenjaken kemampoean boeat loepaken padanja.......

” Janie toetoep moekanja boeat semboeniken mengalirnja iapoenja aer-mata.

Soedjata itoe ada sanget tertarik, kesengsem, sanget tjinta kepada Janie jang tjantik, lemah lemboet dan manis boedi, Tapi iapoenja ketjinta’an itoe lebih soetji dan lebih agoeng dari apa jang dibilang tjinta.

Tapoenja tjinta itoe, kaloe dioepamaken tjoeatja, adalah tjoeatja pagi dari moesim semi, terang, sedjoek dan tenang.

Atawa kaloe dioepamaken kebeningan, tjintanja itoe laksana aer dari telaga tanah padas, poetih, seger dan djernih, bening, hingga tertampak njata jang djadi dasarnja.

Maka, toeboeh Janie itoe, kaloe doeloe montok dan molek, adalah sekarang tertampak koeroes Kering, lajoe, seperti poehoen di waktoe moesin ketiga.

Iapoenja sorot mata doeloe sebagi sinar remboelan poernama, adalah sekarang sinar itoe sebagi remboelan jang kealingan mendoeng.

Tapi maski ia dalem keada’an begitoe roepa, iapoenja kaeilokan lahir dan batin masih menjengsemken pada siapa sadja.

„Tida, akoe tida haroes meroesaken kebroentoengannja Janie,” kamoedian Soendjata ngelamoen lebih djaoe. „

Akoe menjinta padanja dengen segenep djiwa, tapi hatinja ia telah dikasiken laen orang, inilah ada akoe poenja nasib badan dan tida haroeslah akoe meroesak kebroentoengannja.

”

Gadis itoe memake kaen kebaja soetra biroe hingga menam bahken kaindah annja iapoenja koelit jang warna koening langsat itoe.

Ia itoe kliatannja membatja, tapi sebenernja tida membatja, kerna pikirannja tida menoedjoe pada itoe lembaran-lembaran kertas, hanja ka tempattempat jang djaoe.

Kadang-kadang ia soeka memandeng satoe portret di depannja, dan kapan ia meliat itoe dengen perhatian, aer-mata laloe kliatan meleleh di sepasang matanja.

Begitoelah doea-doea telah pada saling oempetken masing-masing poenja perasa’an sahingga sampe terdjadinja itoe ketjilaka’an jang menerbitken perledakan dari masing-masing hatinja.

Ketjinta’an adalah manoesia jang poenjaken, tapi djodo itoelah Allah jang kwasaken.

T IGA taoen telah laloe. Janie dan Soendjata telah hidoep dalem kebroentoengan jang asli Soendjata selaloe indahken dan tida lakoeken apa jang bisa mengganggoe kesenengannja sang istri.

„Soedalah, anggep sadja itoe oeroesan ada satoe majit jang telah dikoeboer dan tida perloe dibongkar lagi. Allah berkahken kaoe ........... ."

Kaloe ada orang dibikin djato bangoen oleh tjinta, adalah tjoema tjinta pertama jang membriken loeka jang tida aken bisa semboeh betoel. Satoe waktoe, biarpoen soedah lama sekali, loeka itoe aken masih teraaa sakit.

Janie poenja ketjinta'an pada Soendjata ada sanget agoeng dan bersih. Tapi dengen ini tida berarti ia lantas loepaken sama sekali dirinja Janta.