Kutipan Harta yang Terpendam atau Ceritanya Nyai Marsina

Marsina hampirken itoe peti oewang dan toewang isinja di atas medja. Toempoekan oewang itoe djadi tertjampoer poetih dan merah, jaitoe perak dan emas, tjahianja ada mengkredep di sinarnja api. Marsina tida brentinja bersenjoem, hatinja amat senang. Ia soesoen itoe oewang brapa djoeblanja.

Joesoef djadi inget pada dosanja koetika liat itoe toempoekan oewang dan denger soearanja oewang itoe di itoeng, seperti djibrail mengitoeng dosanja.

Ia poenja kabentjian pada Marsina djadi semingkin sanget, hingga ia lantas bangoen dan masoek ka kamar dengen kontjiken pintoenja dari dalem.

„Ach, Ali, boeat apa kita bikin pembalesan.

Dia ada orang hartawan, kita orang miskin.

Biarlah Allah sendiri nanti bales itoe kadjahatan,” kata Saneah.

Di kamarnja itoe kokl, Darmo ada denger soeara ngelahan napas dan soeara jang menglisihan.

Heran soenggoe, itoe malem roepanja ada malem jang menoetoep hati.

IX. FADJAR JANG MEMBOEKA. HATI.

Hawa dingin di Bogor pada waktoe pagi, ada bikin orang-orang miskin djadi gesit aken bangoen sabelonnja matahari terbit boeat lakoeken pakerdjaännja jang berat, tetapi bagi orang orang hartawan, hawa itoe bikin iaorang djadi males aken bangoen begitoe waktoe.

Begitoelah, sedeng Marsina dan Joesoef masi enak-enakan toetoepken badannja dengen slimoet, adalah Nji Saleha dan Moerhaja soeda moesti gerajangan ka dapoer boeat njalaken api aken masak aer dan laen-laen.

„Neng tjoema perloe katemoe saja boeat kasi tape itoe kakatjekan, Neng dan saja. Itoe hina dan terhormat, itoe kaja dan miskin. Djadi saja menjesel kenapa tadi Neng tida lekas oesir saja.

Saja lebih soeka menanggoeng sengsara boeat impiken Neng saoemoer idoep, biarnja tida bisa katemoe, biarnja tida bisa kawin.

Seperti sekarang Neng soeda omong, djadi Neng bikin itoe barang jang memboengkoes hati saja d

Ia ada satoe goela-goela jang paling ditjintaken oleh Joesoef, hingga boleh dikata ampir tida ada satoe permintaännja ini prampoean jang tida ditoeroet. Darmo llat Marsina ada pande sekali bitjara, dan tentoelah bitjaranja itoe djikaloe dioekir boeat boedjoekan, aken memakan dengen tentoe di hatinja Joesoef.

Boekantah lidah prampoean ada sapoeloe kali lebih tadjem dari lidah lelaki?

Marsina nanti tampik ia poenja permintaan ? Itoelah tida boleh djadi. Boekantah itoe malem Marsina sendiri soeda tawarken pertoeloengannja djikaloe Darmo ada dapet soesah ? maka kenapalah djoega Marsina menampik djikaloe ia diminta aken boedjoek soeaminja, soepaja ia ini maoe akoeh Moerhaja itoe sebagi misanannja?

Ia perhatiken betoel Moerhaja poenja penjakit. Sabentar-bentar ia dateng llat, dan satian pagi dan sore la toenggoe datengnja doekoen. Roepanja iboek betoel, hingga sasoratoe orang jang menjaksiken klakoean Marsina, nistjaja sedikit poen tida nanti doega Marsina ada poenja hati jang begitoe kedjem.

Oleh kerna Marsina itoe ada bekas satoe prampoean komedi, maka tidalah heran kaloe ia bisa sekali berlakoe sebagi actrice jang pande.

la poenja rasa sakit hati jang amat besar, tida sekali kallatan baek dari omongannja, atawa poen di parasnja. Tetapi dalem hatinja melinken Allah sendiri jang taoe.